ایمریٹس ایئر لائن اور چین کےدرمیان سیاحت کے فروغ کے لئے معاہدہ

دبئی (اردو وائس پاکستان 18 مارچ 2016) متحدہ عرب امارات کی ایمریٹس ایئر لائن اور چین کے خودمختار حطے نینگژیا سیاحت کے فروغ کے لئے معاہدہ کئے ہیں۔ معاہدے کے تحت ایمریٹس ایئر لائن دبئی اور نینگژیا کے دارالحکومت ین چوان کے درمیان 3 براہ راست پروازیں آپریٹ کرے گی۔ معاہدے کے موقع پر دبئی میں چین کی کونسل جنرل لی لینگ بینگ اور ایمریٹس کے سینئر وائس پریذنٹ کمرشل آپریشنز برائے مشرق موجود تھے۔ اس موقع پر امارات اور چین سے تعلق رکھنے والے سیرو سیاحت کا انتظام کرنے والے اداروں کے نمائندے بھی شریک تھے۔ نینگژیا کی آبادی 6.7 ملین ہے ، جن میں 2.3 ملین ہوئی قوم ہیں جو اسلام کو فالو کرتے ہیں۔

سال 2015 میں 4 لاکھ 50 ہزار چینی سیاحوں نے دبئی کا سفر کیا ، اس معاہدے سے چینی اور چین کا سفر کرنے والے سیاحوں کو مزید سہولتیں میسر آئیں گی۔