مہمند اجنسی میں خاصا دار فورس کے 9 اہلکار شہید ہوگئے

پشاور(اردووائس پاکستان 18 فروری 2016) مہمند ایجنسی میں 2 مختلف واقعات میں خاصا دار فورس کے 9 اہلکار دہشت گردوں کے حملے میں شہید ہوگئے ہیں۔

ذرائع کے مطابق فورسز پر پہلا حملہ مہمند ایجنسی کے کپرا چیک پوسٹ پر جمعرات کی صبح کیا گیا، حملے کے نتیجے میں7 اہلکار شہید ہوگئے۔ دوسرا حملہ دراز گئی کے علاقے میں کیا گیا جہاں دہشت گردوں کی فائرنگ سے خاصا دار فورس کے 2 اہلکار شہید ہوگئے۔ واقعے کے بعد سیکیوریٹی فورسزافغانستان سرحد کے قریبی علاقوں میں سرچ آپریشن شروع کردیا ہے۔